Danskt rúgbrauð I

Hinn fyrsti súr

1

	50	gr	Vatn
	50	gr	Rúgmjöl

Það tekur nokkra daga að búa til fyrsta súrinn. Blandið þessu tvennu saman í glerkrukku og látið hana standa á borði með laust lok í 3-4 daga. Þá er þetta farið að bólgna og búbla. Næsti súr er auðveldari því maður tekur 100gr. af tilbúnu deigi í lokin og setur í krukku og inn í ísskáp þartil maður bakar næst (endist í 1-2 vikur)

Dagur 1

1

350	gr	Vökvi
100	gr	Sólblómafræ
100	gr	Graskersfræ
200	gr	Skorinn rúgur

Kornið er lagt í bleyti yfir nótt svo það sé mjúkt og tilbúið þegar það er sett saman við deigið.
Vökvi: Það er fínt að leggja það í vatn en það má t.d. nota dökkan bjór, hann gefur líka viðbótar bragð.

2

Allt sett saman í skál og hrært vel saman.

Látið standa við stofuhita til næsta dags.

Dagur 2

1

50	gr	Hörfræ
50	gr	Sesamfræ
15	gr	Salt
100	gr	Sólblómafræ

Nú er öllu blandað saman í skál.
Öllu frá deginum áður og þessum fræjum til viðbótar ásamt salti.

Deigið er mjög blautt enda hrært en ekki hnoðað.

Næst er að:

Setja deigið í brauðform sem eru smurð með smjöri
Láta það hefast í 3-4 klukkutíma við stofuhita, að lyftir sér u.þ.b. 30-50%
Baka í ofni við 180˚C í u.þ.b. 40 mínútur eða þar til kjarnhiti er orðinn 95-100˚C

Takið deigið strax úr forminu þegar það er tekið út og látið kólna alveg áður en það er skorið.