Beint að efninu

Mangó Chutney kjúklingur

Hakaðu við hráefnin eftir því sem þú notar þau.

Skref 1

Mangó Chutneyið gerir gæfumuninn.
Geeta’s Mango Chutney er prýðisgott og fæst víða. Ein lítil krukka er hæfilegt magn.
Skerið kjúklingabringurnar í bita og setjið saman við Mangó Chutneyið í skál. Það er ágætt að leyfa þessu að standa í smá stund, jafnvel 2 – 3 klukkustundir.

Skref 2

Annað hvort ein stór eða nokkrar litlar sætar kartöflur, skornar í smáa bita sem fylla rúmlega botninn á meðalstóru eldföstu formi.
Það er gott að hella smávegis af olíunni ofan af feta ostinum í botninn á forminu og velta kartöflunum upp úr því. Bæði smyr og kryddar.

Skref 3

U.þ.b. 1 poka af spínati dreift yfir kartöflurnar, magn fer eftir smekk en spínatið rýrnar mjög í ofninum.
Kjúklingurinn er settur ofan á spínatið og dreift jafnt yfir allt formið.
Veiðið feta ostinn upp úr krukkunni og dreifið yfir. Reynið að skilja eins mikið eftir af olíunni og hægt er.

Skref 4

Myljið Ritz kex yfir, til þess þarf u.þ.b. hálfan pakka.

Dreifið afgangnum af olíunni úr feta krukkunni yfir kexið.

Bakað í ofni í 40 – 50 mínútur við 200°C